![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Dorjana Bezat – Një ditë më parë u bë e ditur se vrasësi i dyshuar i Mario Majollarit Kastriot Gjuzi është arrestuar, por policia e Tiranës nuk ka mundur të zbulojë asnjë detaj të ri nga mekanizmi i vrasjes së 28-vjeçarit-.
Pas 10 ditësh arrati, policia shqiptare në bashkëpunim me atë kosovare vuri në pranga autorin e dyshuar Kastriot Gjuzi. Ai u kap në kufirin e gjelbër të territorit të Kosovës dhe u deportua në Shqipëri gjatë së enjtes. Megjithëse policia ka tentuar disa herë ta marrë në pyetje, ai nuk ka pranuar të flasë. Ka dhënë vetëm gjeneralitetet e tij dhe nuk ka folur në lidhje me vrasjen apo për bashkëpunëtorin e tij.
Nisur nga dyshimet se vrasja është kryer në bashkëpunim, Policia e Tiranës ka shpallur në kërkim disa persona të dyshuar si bashkëpunëtorë të Gjuzit në vrasje.
Identitetet e tyre nuk bëhen të ditura për shkak të sekretit hetimor. Ara janë persona të rrethit miqësor të 40-vjeçarit, Kastriot Gjuzi.